ഒരു LLP വർഷംതോറും എന്തൊക്കെ ഫയൽ ചെയ്യണം?

ഒരു LLP വർഷംതോറും എന്തൊക്കെ ഫയൽ ചെയ്യണം?

പലരും LLP (Limited Liability Partnership) രജിസ്റ്റർ ചെയ്ത ശേഷം പ്രധാന ജോലി കഴിഞ്ഞുവെന്ന് കരുതാറുണ്ട്. എന്നാൽ രജിസ്ട്രേഷൻ ലഭിച്ചതുകൊണ്ട് മാത്രം ഉത്തരവാദിത്തങ്ങൾ അവസാനിക്കുന്നില്ല. ബിസിനസ്സ് ഇടപാടുകൾ ഒന്നും നടന്നിട്ടില്ലെങ്കിൽപ്പോലും (Nil transactions), എല്ലാ വർഷവും നിയമപ്രകാരം താഴെ പറയുന്ന ഫയലിംഗുകൾ കൃത്യസമയത്ത് പൂർത്തിയാക്കേണ്ടതുണ്ട്:

1. Form 11 (Annual Return):

സാമ്പത്തിക വർഷം അവസാനിച്ച് 60 ദിവസത്തിനകം (മേയ് 30-നകം) MCA-യിൽ സമർപ്പിക്കേണ്ട വാർഷിക റിട്ടേൺ.

2. Form 8 (Statement of Account & Solvency):

സ്ഥാപനത്തിന്റെ സാമ്പത്തിക ഭദ്രതയും ലാഭവിവരങ്ങളും വ്യക്തമാക്കുന്ന സ്റ്റേറ്റ്‌മെന്റ്. ഒക്ടോബർ 30-നകം ഫയൽ ചെയ്യണം.

3. Income Tax Return (ITR-5):

വരുമാനമില്ലെങ്കിലും LLP എല്ലാ വർഷവും ആദായനികുതി റിട്ടേൺ സമർപ്പിക്കണം. ഓഡിറ്റ് ആവശ്യമില്ലാത്തവർക്ക് ജൂലൈ 31-ഉം, ഓഡിറ്റ് ബാധകമായവർക്ക് ഒക്ടോബർ 31-ഉം ആണ് അവസാന തീയതി.

4. Statutory Audit (ചിലർക്ക് മാത്രം):

ഒരു സാമ്പത്തിക വർഷത്തിൽ വിറ്റുവരവ് (Turnover) 40 ലക്ഷം രൂപയോ, മൂലധന വിഹിതം (Contribution) 25 ലക്ഷം രൂപയോ കവിഞ്ഞാൽ കണക്കുകൾ ഓഡിറ്റ് ചെയ്യിക്കേണ്ടത് നിർബന്ധമാണ്.

ഇടക്കാല മാറ്റങ്ങൾ ശ്രദ്ധിക്കുക (Event-based Compliances):

വാർഷിക ഫയലിംഗുകൾക്ക് പുറമെ, പാർട്ണർമാരുടെ മാറ്റം, അഡ്രസ്സ് മാറ്റം, LLP Agreement-ലെ ഭേദഗതികൾ എന്നിവ ഉണ്ടാകുമ്പോൾ ബന്ധപ്പെട്ട ഫോമുകൾ (Form 3, Form 4 മുതലായവ) സമയപരിധിക്കുള്ളിൽ MCA-യിൽ സമർപ്പിക്കേണ്ടതാണ്.

വൈകിയാൽ വൻ തുക പിഴ!

MCA ഫോമുകൾ വൈകിയാൽ ദിവസേന 100 രൂപ വരെ അധിക ഫീസ് ഈടാക്കാം. അതിനാൽ ഒരു പ്രൊഫഷണലിന്റെ സഹായത്തോടെ അവസാന തീയതികൾക്ക് മുൻപേ ഫയലിംഗുകൾ പൂർത്തിയാക്കി നിയമനടപടികളും അധികച്ചെലവുകളും ഒഴിവാക്കുക.

*ഒരു LLP രജിസ്റ്റർ ചെയ്യുന്നതിനേക്കാൾ പ്രധാനം, അത് കൃത്യമായ നിയമപാലനത്തോടെ (Compliances) മുന്നോട്ട് കൊണ്ടുപോകുന്നതാണ്.*

ആദായനികുതി നിയമത്തിലെ സെക്ഷൻ 1031 ; 393(1)[SI.8(ii)] (Old Section 194Q)

എന്നത് സാധനങ്ങൾ വാങ്ങുമ്പോൾ സ്രോതസ്സിൽ നിന്ന് നികുതി കുറയ്ക്കുന്നതുമായി (TDS) ബന്ധപ്പെട്ട വ്യവസ്ഥയാണ്. ബിസിനസ്സ് വിറ്റുവരവ് ₹10 കോടിയിൽ കൂടുതലുള്ള വാങ്ങുന്നയാൾ, ഒരു വ്യക്തിയിൽ നിന്ന് വർഷത്തിൽ ₹50 ലക്ഷത്തിന് മുകളിൽ സാധനങ്ങൾ വാങ്ങുമ്പോൾ ഈ നികുതി ബാധകമാണ്.

ഈ നിയമത്തെക്കുറിച്ചുള്ള പ്രധാന വിവരങ്ങൾ താഴെ പറയുന്നവയാണ്:

ആരാണ് TDS കുറയ്ക്കേണ്ടത്?: മുൻ സാമ്പത്തിക വർഷത്തിലെ ബിസിനസ്സ് വിറ്റുവരവ് (Turnover) ₹10 കോടിയിൽ കൂടുതലായ വാങ്ങുന്നവർ.

എപ്പോഴാണ് ബാധകം?: ഒരു സാമ്പത്തിക വർഷത്തിൽ ഒരേ വിൽപ്പനക്കാരനിൽ (Seller) നിന്ന് വാങ്ങുന്ന സാധനങ്ങളുടെ മൂല്യം ₹50 ലക്ഷം കവിയുമ്പോൾ.

TDS നിരക്ക്: നൽകുന്ന തുകയുടെ 0.1% ആണ് TDS ആയി കുറയ്ക്കേണ്ടത്.

പാൻ കാർഡ് നിർബന്ധം: വിൽപ്പനക്കാരൻ പാന്‍ (PAN) നമ്പർ നൽകിയില്ലെങ്കിൽ TDS നിരക്ക് 5% ആയിരിക്കും.

സെക്ഷൻ 194Q മായി ബന്ധപ്പെട്ട പ്രധാന ഘടകങ്ങൾ:എങ്ങനെയാണ് കണക്കാക്കുന്നത്?: ഒരു സാമ്പത്തിക വർഷത്തിൽ ₹50 ലക്ഷത്തിന് മുകളിലുള്ള തുകയ്ക്ക് മാത്രമായിരിക്കും 0.1% നിരക്കിൽ TDS ബാധകമാകുന്നത്.

ഓൺലൈൻ ബിസിനസിനും GST ബാധകമാണോ?

'ഓൺലൈനായി വിൽക്കുന്നതാണ്, അതിനാൽ GST വേണ്ട" എന്ന ധാരണ പലർക്കുമുണ്ട്. എന്നാൽ അത് എല്ലായ്പ്പോഴും ശരിയല്ല. നിങ്ങൾ സ്വന്തമായി ഒരു വെബ്സൈറ്റ് വഴിയോ, സോഷ്യൽ മീഡിയ വഴിയോ, അല്ലെങ്കിൽ ഓൺലൈൻ മാർക്കറ്റ്‌പ്ലേസുകൾ വഴിയോ ഉൽപ്പന്നങ്ങളോ സേവനങ്ങളോ വിൽക്കുകയാണെങ്കിൽ, ചില സാഹചര്യങ്ങളിൽ GST രജിസ്ട്രേഷൻ ആവശ്യമായി വരാം. ബിസിനസിന്റെ സ്വഭാവം, നിങ്ങൾ വിൽക്കുന്ന ഉൽപ്പന്നമോ സേവനമോ, കൂടാതെ ബാധകമായ നിയമങ്ങൾ എന്നിവയെ ആശ്രയിച്ചാണ് ഇത് തീരുമാനിക്കപ്പെടുന്നത്.

ഉദാഹരണത്തിന്, വീട്ടിലിരുന്ന് ഓൺലൈനായി വസ്ത്രങ്ങൾ, ഹാൻഡിക്രാഫ്റ്റ് ഉൽപ്പന്നങ്ങൾ, ഭക്ഷ്യവസ്തുക്കൾ, അല്ലെങ്കിൽ ഡിജിറ്റൽ സേവനങ്ങൾ നൽകുന്നവർ പോലും GST സംബന്ധിച്ച നിയമങ്ങൾ മനസ്സിലാക്കേണ്ടതാണ്. കാരണം, ബിസിനസ് വളരുന്നതിനനുസരിച്ച് നികുതി സംബന്ധമായ ഉത്തരവാദിത്വങ്ങളും വർധിക്കും. ശരിയായ സമയത്ത് രജിസ്ട്രേഷൻ നടത്താത്തത് പിന്നീട് പിഴയോ മറ്റ് നിയമപരമായ ബുദ്ധിമുട്ടുകളോ ഉണ്ടാക്കാൻ ഇടയാക്കാം.

ഓൺലൈൻ ബിസിനസ് തുടങ്ങുന്നതിന് മുമ്പ് തന്നെ GST ബാധകമാണോ എന്ന് ഒരു വിദഗ്ധനോട് പരിശോധിക്കുന്നത് നല്ലതാണ്. വരുമാനം, ഇടപാടുകളുടെ സ്വഭാവം, നിങ്ങൾ ഉപയോഗിക്കുന്ന വിൽപ്പന പ്ലാറ്റ്ഫോം എന്നിവയെ അടിസ്ഥാനമാക്കി ശരിയായ നിർദേശം സ്വീകരിച്ചാൽ ഭാവിയിൽ അനാവശ്യ പ്രശ്നങ്ങൾ ഒഴിവാക്കാൻ കഴിയും. ചെറിയ ഒരു വീഴ്ച പോലും പിന്നീട് വലിയ സാമ്പത്തിക ബാധ്യതയിലേക്ക് നയിക്കാതിരിക്കാൻ തുടക്കത്തിൽ തന്നെ കാര്യങ്ങൾ ക്രമപ്പെടുത്തുന്നത് ഏറെ പ്രധാനമാണ്.

ഓൺലൈൻ ബിസിനസ് വിജയകരമാകണമെങ്കിൽ നല്ല ഉൽപ്പന്നമോ സേവനമോ മാത്രം പോരാ; നിയമങ്ങളും നികുതി ബാധ്യതകളും കൃത്യമായി പാലിക്കേണ്ടതുണ്ട്. 

ഓണം ജി എസ് റ്റി എൻഫോസ്‌മെന്റ് വീണ്ടും സജ്ജീവമാകുന്നു.

 

Foreign Investor-നെ ബിസിനസിൽ ഉൾപ്പെടുത്താൻ എന്തെല്ലാം നിയമ നടപടികൾ വേണം?

 ഇന്ന് പല സ്റ്റാർട്ടപ്പുകളും കമ്പനികളും വിദേശ നിക്ഷേപകരെ (Foreign Investor) ബിസിനസിലേക്ക് കൊണ്ടുവരാൻ ആഗ്രഹിക്കുന്നുണ്ട്. എന്നാൽ പണം സ്വീകരിക്കുന്നതിന് മുമ്പ് ചില പ്രധാന നിയമ നടപടികൾ പാലിക്കേണ്ടത് അനിവാര്യമാണ്. എല്ലാ മേഖലകളിലും വിദേശ നിക്ഷേപം ഒരേ രീതിയിൽ അനുവദിച്ചിട്ടില്ല. അതിനാൽ ആദ്യം നിങ്ങളുടെ ബിസിനസ് പ്രവർത്തിക്കുന്ന മേഖലയിൽ വിദേശ നിക്ഷേപം അനുവദനീയമാണോ എന്ന് പരിശോധിക്കണം.

വിദേശ നിക്ഷേപം സ്വീകരിക്കുമ്പോൾ കമ്പനിയുടെ ഓഹരികൾ നൽകുന്ന രീതിയും നിക്ഷേപത്തിന്റെ മൂല്യനിർണയവും നിയമാനുസൃതമായിരിക്കണം. കൂടാതെ, ഇന്ത്യയിലെ നിലവിലുള്ള വിദേശ നിക്ഷേപ ചട്ടങ്ങൾ പാലിച്ച് ആവശ്യമായ രേഖകളും റിപ്പോർട്ടുകളും ബന്ധപ്പെട്ട അധികാരികൾക്ക് സമർപ്പിക്കേണ്ടതുണ്ട്. ഈ നടപടികൾ കൃത്യമായി പാലിക്കാത്ത പക്ഷം പിന്നീട് നിയമപരമായ പ്രശ്നങ്ങളും സാമ്പത്തിക പിഴകളും നേരിടേണ്ടി വന്നേക്കാം.

അതുപോലെ, നിക്ഷേപകരുമായി ഉണ്ടാക്കുന്ന കരാർ വളരെ വ്യക്തവും സുരക്ഷിതവുമാകണം. ലാഭവിഹിതം, ഓഹരി അവകാശങ്ങൾ, തീരുമാനമെടുക്കാനുള്ള അധികാരം, നിക്ഷേപത്തിൽ നിന്ന് പുറത്തുപോകുന്ന രീതി എന്നിവ കരാറിൽ വ്യക്തമായി രേഖപ്പെടുത്തണം. പിന്നീട് തർക്കങ്ങൾ ഒഴിവാക്കാൻ തുടക്കത്തിൽ തന്നെ നിയമോപദേശം തേടി രേഖകൾ തയ്യാറാക്കുന്നതാണ് ഏറ്റവും സുരക്ഷിതമായ മാർഗം.

വിദേശ നിക്ഷേപം ഒരു വലിയ വളർച്ചാ അവസരമാണ്. എന്നാൽ ശരിയായ നിയമ നടപടികൾ പാലിച്ചാൽ മാത്രമേ ആ വളർച്ച സുരക്ഷിതവും ദീർഘകാല വിജയകരവുമായി മാറുകയുള്ളൂ. ബിസിനസ് വളർത്തുന്നതിന് മുമ്പ് നിയമപരമായ അടിത്തറ ശക്തമാക്കുക എന്നതാണ് ഏറ്റവും നല്ല നിക്ഷേപം.

https://chat.whatsapp.com/I9pDOuUnqtXJm1oKRBUXfa

നിങ്ങളുടെ ബിസിനസ്സ് ഇനി ഓരോ വീട്ടിലുമെത്തട്ടെ! 🚀

​നിങ്ങൾ ഒരു ചെറിയ സംരംഭകനാണോ അതോ വലിയ ബിസിനസ്സ് നടത്തുന്നയാളാണോ? എന്തുതന്നെയായാലും, കുറഞ്ഞ ചിലവിൽ കൂടുതൽ ഉപഭോക്താക്കളിലേക്ക് എത്താൻ ഞങ്ങൾ നിങ്ങളെ സഹായിക്കാം.

​✅ മികച്ച റിസൾട്ട് ലഭിക്കുന്ന വാട്സ്ആപ്പ് ഗ്രൂപ്പുകൾ.

✅നൂറുകണക്കിന് ആക്റ്റീവ് മെമ്പർമാരുള്ള ഗ്രൂപ്പുകൾ.

✅ ഏറ്റവും കുറഞ്ഞ നിരക്ക്.

✅ കൃത്യമായ ടാർഗെറ്റിംഗ്.

​കൂടുതൽ വിവരങ്ങൾക്കും പരസ്യങ്ങൾക്കും ഇപ്പോൾ തന്നെ ബന്ധപ്പെടൂ:

📞 9400352442

ഒക്‌ടോബർ 2022 മുതൽ പ്രാബല്യത്തിൽ വരുന്ന ഡെബിറ്റ്, ക്രെഡിറ്റ് കാർഡ് നിയമങ്ങളെക്കുറിച്ച് നിങ്ങൾ അറിയേണ്ടതെല്ലാം ഇതാ: ?

 ഡെബിറ്റ്, ക്രെഡിറ്റ് കാർഡ് ഇടപാടുകൾക്ക് അടുത്ത മാസം മുതൽ പുതിയ നിയമങ്ങൾ; അറിയേണ്ടതെല്ലാം

ഓൺലൈൻ പേയ്‌മെന്റിന്റെ കാലമാണ് ഇത്. സാധന സേവങ്ങൾക്കായി പലപ്പോഴും ഇന്ന് ഓൺലൈൻ പേയ്മെന്റ് ആണ് ഇന്ന് പലരും തെരെഞ്ഞെടുക്കാറുള്ളത്. ഇങ്ങനെ ഡെബിറ്റ് കാർഡോ ക്രെഡിറ്റ് കാർഡോ  ഉപയോഗിച്ച് ഇടപാടുകൾ നടത്തുന്നവർ ശ്രദ്ധിക്കുക , ഒക്ടോബർ ഒന്ന് മുതൽ ഡെബിറ്റ്, ക്രെഡിറ്റ് കാർഡ് ഉപയോഗത്തിന് പുതിയ നിയമങ്ങൾ പ്രാബല്യത്തിൽ വരും. ഒക്ടോബർ മുതൽ ഓൺലൈൻ പേയ്‌മെന്റുകൾക്കായി ഉപയോഗിക്കുന്ന കാർഡുകൾക്ക് ടോക്കണുകൾ നൽകണമെന്ന് റിസർവ് ബാങ്ക് ഓഫ് ഇന്ത്യ വ്യക്തമാക്കിയിട്ടുണ്ട്. 

*♦️എന്താണ് കാർഡ് ടോക്കണൈസേഷൻ?*

ആർബിഐയുടെ നിർദേശപ്രകാരം, ഇടിപാടുകളിൽ കാർഡുകളടെ യഥാർത്ഥ വിവരങ്ങൾ പങ്കിടാതെ പകരം "ടോക്കൺ" എന്ന് വിളിക്കുന്ന ഒരു ഇതര കോഡ് നല്കുന്നതിനെയാണ് കാർഡ് ടോക്കണൈസേഷൻ എന്നതുകൊണ്ട് അർത്ഥമാക്കുന്നത്. 

*♦️ടോക്കണൈസേഷന്റെ പ്രയോജനം എന്താണ്?*

ഇടപാടിന്റെ പ്രോസസ്സിംഗ് സമയത്ത് യഥാർത്ഥ കാർഡ് വിശദാംശങ്ങൾ വ്യാപാരിയുമായി പങ്കിടാത്തതിനാൽ ടോക്കണൈസ്ഡ് കാർഡ് ഇടപാട് സുരക്ഷിതമായി കണക്കാക്കപ്പെടുന്നു.

*♦️ടോക്കണൈസേഷൻ എങ്ങനെ?*

കാർഡ് ഉടമ ഓൺലൈനിലൂടെ സാധനങ്ങൾ വാങ്ങിയശേഷം, പണം നൽകാനായി ഡെബിറ്റ് കാര്‍ഡ്/ ക്രെഡിറ്റ് കാര്‍ഡ് വിവരങ്ങള്‍ നല്കാൻ ആവശ്യപ്പെടുമ്പോൾ നിങ്ങളുടെ കാർഡിന്റെ ബാങ്ക് ഏതാണോ അത് തെരഞ്ഞെടുക്കുക. തുടർന്ന്, "secure your card as per RBI guidelines" or "tokenise your card as per RBI guidelines" എന്നീ ഓപ്ഷനുകളില്‍ നിന്ന് ഏതെങ്കിലും ഒന്ന് തിരഞ്ഞെടുക്കുക. ശേഷം, ടോക്കണ്‍ ലഭിക്കാൻ അനുവാദം നൽകുക 

*♦️ടോക്കണൈസേഷൻ നിരക്കുകൾ എത്ര? *

ഈ സേവനം ലഭിക്കുന്നതിന് ഉപഭോക്താവ് ചാർജുകളൊന്നും നൽകേണ്ടതില്ല.

*♦️ആർക്കൊക്കെ ടോക്കണൈസേഷൻ നടത്താനാകും?*

അംഗീകൃത കാർഡ് നെറ്റ്‌വർക്കിലൂടെ മാത്രമേ ടോക്കണൈസേഷൻ നടത്താൻ കഴിയൂ, അംഗീകൃത സ്ഥാപനങ്ങളുടെ ലിസ്റ്റ് ആർബിഐ വെബ്‌സൈറ്റിൽ ലഭ്യമാണ്.